专访丨王敏奕犧牲靚樣拍靈異題材 最靚家嫂感激志偉支持鼓勵
.
王敏奕Venus 同彭發導演作客《StarTalk》，接受主播 王鎮泉 嘅專訪。喺新戲入面Venus同 張兆輝 飾演一對老夫少妻，為咗演活師奶一角，Venus呢次喺戲中唔單止要犧牲靚樣，更要克服自己嘅心理關口挑戰拍靈異題材，佢話當初都經過一番掙扎，但因為真係好想同彭發導演合作，覺得係一個好好嘅機會，所以最終決定接拍。
Venus話過往都睇過彭發導演唔少作品，但每次睇完都覺得好驚，仲指呢種驚會影響埋生活，譬如搭𨋢又驚、去醫院又驚，而彭發話佢正正需要識驚嘅演員，咁樣可以更容易處理場口，所以Venus係最適合不過嘅人選。
現實中嘅Venus，樣靚又甜美，唔少朋友都好想知道佢有咩秘訣？Venus謙稱化妝師好重要，彭發就即刻插嘴話：「最關鍵係嫁到個好老公！」搞到身邊嘅Venus即刻面都紅晒。獲封「最靚家嫂」嘅Venus，指老爺曾志偉都有不時給予支持同鼓勵。
