聲秀｜甄敏芳Jenny人靚聲甜獲封顏值擔當 發文感激蘇永康無限支持
《聲秀》熱播當中，其中甄敏芳Jenny的唱功和外形同樣惹人注目，首回合憑《痛愛》先聲奪人，之後再和導師蘇永康合唱《來夜方長》，成功用甜美歌聲征服觀眾，Jenny外形同樣亮麗，8頭身的她擁有一雙白滑長腿，網獲大讚她是《聲秀》的顏值擔當：「外形是靚女，再努力些，一定是樂壇新力軍」、「造型好靚. 聲線也甜美」、「Jenny把聲好靚，好有感情」。
Jenny在社交網發文感謝導師蘇永康：「第一次以團隊身份出戰，好開心好榮幸可以同我嘅導師阿公蘇永康，一齊合唱！多謝阿公無微不至嘅照顧，一直陪住我、支持我，畀咗我好多信心，真係好感恩！」
還感謝兩位隊友的支持：「仲要多謝我兩位好隊友胡子貝、馮熙燮，我哋唔單止係隊友，仲好似一家人。呢段時間，我哋一齊經歷咗好多難關，付出咗好多淚水同汗水。見到你哋甚至為我而喊，我覺得自己好幸福，因為係你哋讓我知道，我唔係孤單一個。辛苦你哋一直為我擔心，呢份支持同陪伴，令我更加有勇氣去面對一切。」
Jenny現年22歲，來自澳門，她自言性格比較怕醜缺乏自信，會經常否定自己，她還自揭曾有容貌焦慮，今次參加《聲秀》並沒有告知父母。
