【明周】空窗三年終有劇播即被改花名 陳煒做煮飯婆 老公零差評
陳煒今次做嘉賓仲紹餐廳。
陳煒今日出席由黎芷珊主持無綫新節目《香港美食匠人》記者會，她表示今次唔使親自下廚，「今次唔使煮，只係做嘉賓介紹餐廳，輕鬆啲！原本拍緊新劇《璀璨之城》，但因為要更改劇本，所以延期到十一月先開工，不過下星期開始播劇集《巨塔之后》，開始要做宣傳，我當然開心啦，因為2022年後都未有劇播，依家國內平台都播緊，反應唔差，好多國內網民改咗我花名，叫藍月亮女士，好似洗衣粉咁，因為劇中我隻遊艇法文翻譯叫藍月亮，所以都幾得意，有劇播好開心，大家有互動，其實一直都有拍劇，手頭有4套未播，等大家慢慢期待一下。」
煒哥表示不用開工之際，開心經常做煮飯婆為老公下廚，「我哋生活都係咁過，正常開心，飯就一定要煮，如果唔係無得食，雖然菜式都係萬變不離其中，只係有啲配搭改吓，但老公無差評。」
