14位港姐佳麗今晚（17日）現身電視城，與4位師姐謝寧、陳法蓉、朱凱婷、麥美恩進行錄影。
12號庄靜璟日前自爆畢業後開始投資，兩年就賺100萬美金，今日她接受訪問時，坦言報道出街後，不少網民對自己有偏見。「我好傷心，希望大家用多啲時間認識我。佢哋覺得我係讀中央戲劇學院，我而家講出嚟兩年賺一百萬好似廣告咁。其實呢行有好多優秀嘅前輩，我係小朋友級別。（有無蝕過？）有！可能都有一百萬港元，好平常。」問到庄靜璟有否感到委屈，她說仍需要時間適應，又會當作是一個過程。
問到一開始投資成本那來，庄靜璟只謂當初睇好Bitcoin的價值，就好像自己的價值也需要時間被發掘，未有正面回應資金那來。而對於有網民認為「賺到咁多錢仲選港姐」，庄靜璟認為參選港姐是個人挑戰，希望自己能堅持。「我覺得專業好緊要，就好似風險控制一樣，我而家有練廣東話，睇TVB新聞。」
