【On.cc】黃宗澤第8度與蔡潔合作終嘗芳澤 竟爆女神不是我的
藝人黃宗澤（Bosco)、馬國明、宣萱、吳啟華、蔡潔、梁競徽等今日（1日）在觀塘為邵氏劇集《執法者們》宣傳，大會送上蛋糕為生日的劇集總監製樂易玲慶生。
黃宗澤與蔡潔第8度合作終於在《執》首次成為一對，劇集內地播出時受到觀眾歡迎被封為「菠菜CP」。劇集首播有好開始，錄得21.4點收視，吸引138萬觀眾收看。Bosco在劇中與蔡潔飾演夫妻，不乏親密戲，他笑言第8度合作終於完成人生其中一個願望，可以一親蔡潔芳澤，揚言收視有24點，現場表演錫蔡潔，答謝觀眾支持。
問到會否錫出愛火花？他笑說：「唔會啦，錫吓又唔會生仔嘅，我錫咗佢成部劇喇，feel好好嘅，但係都係嗰句，女神不是我的。」言下之意莫非蔡潔名花有主，有新戀情？蔡潔則否認說：「我嘅男朋友係工作，女人最緊要有自己事業。」馬國明近日出席蕭正楠與黃翠如兒子的百日宴，期間與舊愛胡定欣碰面，問到可會尷尬？他說：「唔會尷尬，大家都成熟。」
馬國明、蔡潔同Bosco齊齊為新劇宣傳。
Bosco做咩笑得咁開心？
劇集收視唔錯。
啟華Keep得好好。
馬國明話同胡定欣踫頭冇尷尬。
兩大師奶殺手。
蔡潔同工作拍拖？
宣萱咁多年都冇變。
慶祝樂易玲生。
Bosco同蔡潔合作8次，首有咀戲
