【On.cc】單文柔搵外籍靚仔教練打波 陳展鵬醋意大發振夫綱
視帝陳展鵬與太太單文柔（Phoebe）相當恩愛，平時展鵬到外地工作，Phoebe都會跟隨左右，照顧老公。而二人向來都喜歡運動，以前拍拖時經常一起跑步，而本身以前是乒乓球港隊的展鵬近年愛上打高爾夫球，而Phoebe亦有一齊打，夫婦有共同嗜好、活動，Keep住拍拖feel，相當難得。
二人日前拍了一條片PO於社交網，片中展鵬跟Phoebe齊齊去打Pickleball，點知突然出現一位高大靚仔的外籍教練，仲同Phoebe打得不知幾開心，場外的展鵬隔着鐵絲網睇到酸溜溜，突然叫老婆飲啖水唞一陣，跟住自己落場表演，見片中展鵬起勁用力打，相當有型，實行威番次畀老婆睇，最尾仲問Phoebe自己打成點，Phoebe當然話好，展鵬即謂：「下次打波唔使下下請教練嘅，有我陪妳咪得囉！」雖然條片好明顯係拍嚟搞吓笑，但網民睇完都話好有港劇feel，笑指他們兩公婆過足戲癮。
陳展鵬同老婆打波。
點知有個靚仔教練。
陳展鵬即醋意大發。
獻殷勤！
大展雄風！
好有型！
其實係搞笑短劇嚟啫。
陈展鹏[超话]单文柔[超话]
