【On.cc】吳卓羲拍內地劇收養流浪貓　心急立即「空運」返港型男吳卓羲（Ron）最近返娘家TVB拍攝重頭劇《璀璨之城》，過往劇集形象火爆、衝動嘅佢，成日被觀眾覺得佢本人都係呢個標誌性「人設」，但現實中嘅吳卓羲靚仔又親民，更係一位「資深貓奴」，家中飼養11隻貓及4隻大狗，全部都係領養，真係愛心爆棚。近日，有網民更分享吳卓羲於珠海拍攝新劇《璀璨之城》時，收養流浪貓嘅好人好事，暖心滿分。近日，有網民於社交平台分享影片，影住吳卓羲完成拍攝工作離開前，為探班嘅粉絲簽名，只見吳卓羲一手揸筆簽名，另一隻手則將貓咪緊緊抱入懷中，手勢純熟，儼如抱BB一樣，期間佢仲以「慈父聲」低頭問貓咪：「你來簽嗎？」畫面有愛。而貓咪於吳卓羲懷中亦好放鬆，長爪同尾巴自然垂下，非常鬆弛。吳卓羲手抱貓仔，幫Fans簽名。呢隻貓係吳卓羲於當地拍劇時遇見嘅流浪貓。網友估佢已將愛貓「空運」返港。據網民透露，呢隻貓係吳卓羲於當地拍劇時遇見嘅流浪貓，網友仲喺工作人員手上見到全新航空箱，估計應該佢係帶貓仔返香港繼續照顧，網民紛紛留言大讚：「吳卓羲好會抱貓」、「真帥氣，以前看TVB老覺得他演衝動角色好討厭，現在看本人真的很有魅力」、「果然有愛心的人都帥」、「太加分太帥了！」其實吳卓羲非常關注流浪動物，早年佢曾發起生日應援集資，為流浪貓狗機構眾籌。吳卓羲亦表示養動物係一世嘅責任，對棄養絕對反感，除開工拍戲日子，佢都會一手一腳照顧每一隻愛寵。吳卓羲愛心無限。吳卓羲家中愛寵全部都係領養。