【明報即時】俠醫｜劉佩玥用苦肉計爭陳豪 怒摑張曦雯 拋爭仔金句
劉佩玥為爭陳豪，不惜著背心短褲淋冰水玩苦肉計，惜陳豪不為所動；Moon還嬲到怒摑張曦雯及扯她的秀髮。（無綫提供圖片）
無綫劇集《俠醫》昨晚（17日）一集，集笑料與醋味於一身！隨著Rachel（張曦雯飾）與為民（陳豪飾）感情日漸升溫，阿Nat（劉佩玥飾）大受刺激的醋意亦與日俱增，她竟想到淋冰水及狂吹冷風整病自己，目的只是希望藉看病見為民一面，相當病態。
雖然阿Nat破釜沉舟，惜求醫期間遇Rachel忽然暈倒入院，為民無視阿Nat苦苦哀求直奔醫院，大受刺激的Nat，最終踩上醫院鬧爆Rachel之餘，更摑了Rachel一巴兼瘋狂扯她頭髮，幸好為民及時趕到阻止。
阿Nat鬧爆Rachel場口不乏金句，包括：「就係你呢個死人樣，𧨾到阿民瘟瘟沌沌，我見到你就覺得好噁心」、「根本你一開始就吼住老闆娘呢個位」、「點解你每一次都要夾喺我同佢中間阻頭阻勢呀」、「點解你咩都冇做就可以乜都有，點解我咩都做晒我就乜都冇呀」，被拒愛的阿Nat，流著淚狠狠對為民說：「你唔揀我嘅話，你一定會後悔。」
至於淋冰水場口，阿Moon坦言拍攝時確是很凍，並感激導演貼心安排：「要拍好多角度同wide shot，導演有好好安排拍攝次序，等我捱凍時間縮到最少。因為我哋拍攝嘅地方喺廠入邊，個廁所係假嘅，冲涼間嗰個去水位都係假嘅，啲冰水一路浸住我對腳」、 「佢哋為咗我唔好捱咁耐凍，我見到佢哋用最短時間去轉機位；仲有因為廠入面好凍，我一淋完凍水，佢哋即刻攞毛巾衝過嚟幫我，又準備咗熱水畀我。雖然真係好凍，但有多人咁惜我，我心入邊係好暖嘅。」
（即時娛樂）
