【明報即時】俠醫｜張曦雯「零包袱表情包」獲讚：拍劇我冇理靚唔靚
在《俠醫》中常以爛撻撻兼不顧儀態姿態出現的Kelly，每一集都肩負搞笑重任，「零包袱表情包」數之不盡。（無綫提供圖片）
無綫劇集《俠醫》昨晚（17日）一集，集笑料與醋味於一身！隨著Rachel（張曦雯飾）與為民（陳豪飾）感情日漸升溫，阿Nat（劉佩玥飾）大受刺激兼相當「醋」底，她以苦肉計整病自己，務求藉看病見為民一面，惜求醫期間遇Rachel暈倒入院，為民無視阿Nat哀求並直奔醫院，Nat最終在醫院鬧爆Rachel，更摑她一巴兼扯頭髮，幸好為民及時趕到阻止。
談到被摑場口，Kelly受訪時透露是觀眾見到的是重拍片段，並謂為了拍攝效果，一早已與Moon商議好要真摑：「因為嗰場係重拍，所以Moon係摑咗我好多次，拍呢啲戲寧願對手大大力打落嚟，一下唔使NG仲好，唔使驚就位同反應唔夠真實。我同Moon今次合作好開心，大家咩都會好open去傾，嗰日拍完摑戲，我哋一cut機又嘻嘻哈哈。」
在《俠醫》中常以爛撻撻兼不顧儀態姿態出現的Kelly，每一集都肩負搞笑重任，「零包袱表情包」數之不盡；Kelly表示拍劇不會著重「靚唔靚」：「我係好冇包袱咁做呢個角色嘅，我不嬲冇理靚唔靚，只係呢個角色畀我更加發揮到不顧包袱呢樣嘢。」
另外，Kelly因角色Rachel懷疑患乳癌，不時「自摸」檢查，就連陳豪站在附近亦毫不忌諱。Kelly坦言拍攝時「最驚走光」，並感激監製及導演不斷與她商量最舒服的拍攝角度及狀態：「佢哋有同我傾我嘅底線。」
（即時娛樂）
