【On.cc】周家怡捱過經濟問題：食少1、2餐我得嘅
藝人周家怡與陳家樂日前以活動大使身份，為即將舉行的慈善跑拍攝宣傳片及海報，大會更特別設計小遊戲，二人需抬起重量達10公斤的水桶步行，讓他們體驗一些缺乏清潔食水的地方，孩童平日要面對的重擔。事後周家怡表示辛苦：「啲小朋友要日日咁攞，仲要唔係有條河畀佢哋打水，係喺個水氹仔度裝。」她亦分享曾到簡陋地區拍攝時，因落雨場口動用水車，令當地村民全都邊圍觀邊哭：「佢哋覺得我哋好嘥水，嗰個場面真係好深刻。」
陳家樂亦坦言水桶非常重，看過當地孩童取水的片段，更聯想到女兒Camila：「睇紀錄片見到好多小朋友，仲要係細路女，赤腳行好遠，攰到左手換右手、右手換左手，仲要擺上頭頂住，想像個女如果要咁，真係好肉赤。」他慶幸未試過「缺水」體驗，但曾到衞生情況較惡劣的地方拍攝：「啲廁所好污糟，我唔係好想去又唔係好敢飲水，搞到身體都差咗，先知水對身體真係好重要。」他期待將來可親身到當地，親身感受他們的生活，亦笑指會將今次活動介紹給陳茂賢導演：「因為佢肥咗好多，哈哈！」
周家怡除出任大使，本身也參與了助養計劃20年，坦言深受助養孩童的書信感動，說罷更不禁眼濕濕：「我只係奉獻好少（嘅事），錢好少事，中間我都有啲經濟狀況，感恩係自己好好彩，同自己講『食少1、2餐，我得嘅！』，我會好堅持。雖然依家都窄窄哋，我供緊樓呀，哈哈。」
周家怡曾遇過經濟問題。
周家怡感恩自己係好好彩。
陳家樂曾到衞生情況較惡劣的地方拍攝。
