【On.cc】王敏奕遭初戀男友侮辱 成桶冰水兜頭淋透出內衣
由王敏奕及朱敏瀚等主演的無綫熱播劇《虛擬情人》正在熱播中，最近劇情交代王敏奕角色被翻出昔日情史，原來其大學初戀是周志康，對方天生不忠兼背着她與其他女生發生關係，而其中一幕戲周志康更無視王敏奕感受，將整桶冰兜頭淋令她透出內衣，更為對方改不雅稱號。談到今次角色，周志康坦言挑戰大：「因為睇劇本已覺得佢唔係人，最大難度係說服自己個角色其實唔渣，只係佢根本唔知咩係愛情。」
王敏奕校園Look好清純。
周志康扮演校草。
其實係渣男。
成桶冰水兜頭淋王敏奕。
透出內衣。
為打造「校草不再」的感覺，周志康刻意為角色增肥：「我每次開工前一晚都會食啲濃味同肥嘅嘢，等自己望落去腫啲，同埋好多謝梳化同事幫我加咗個假肚。都係為咗個反差效果，以前係校草，但若干年後崩壞晒，但依然仲以為自己好型，咁會仲乞人憎。」談到與王敏奕拍攝淋冰桶場口，他大讚對方專業，拍攝時全程零尷尬，大家為了效果完全豁出去。
另外，戲中王敏奕無論是甜美校園情竇初開Look、初出茅廬打工Look，或是冷酷女強人Look都繼續獲網民大讚漂亮，其中女強人妝容更被形容「360度零死角」。
過氣校草。
現實中係好好先生。
王敏奕[超话]
