影后卫诗雅入行前写真出土 即转发老公：佢即刻话靓求生意识好强 | 香港01
“香港流行文化节2025”重磅活动“全港戏院日”将于5月10日举行，当日全港所有戏院票价均划一激减至$30，适用于所有电影及播放格式，本年已经为连续第三年推出同类型优惠吸引观众入场！
出炉金像影后卫诗雅今日（5日）到旺角戏院外为“全港戏院日”活动造势，亲自向观众影迷派发爆谷，鼓励大家把握优惠入场支持上映中外作品，吸引现场过百观众粉丝围观，群情汹涌！
卫诗雅于派发爆谷活动上接受传媒访问，表示今日活动竟一圆自己多年心愿：“细个我第一次去见工就係做卖爆谷，但係人哋冇请我！其实我係想做𢳂爆谷嗰个位，你明唔明呀？真係好香、好治癒㗎！”
她笑言希望到待会到旺角戏院客串感受𢳂爆谷的乐趣！卫诗雅作为出炉影后，得奖后已马不停蹄开工宣传，表示将会继续出席《破．地狱》谢票活动，亦呼吁观众支持其他香港电影。
周日将迎来母亲节，卫诗雅表示得奖后终于在日前携带奖座探望父母：“我拎埋个奖返屋企，陪妈咪买餸、返去煮饭，呢个係最大嘅礼物！”贵为出炉影后现身街市，Michelle笑言竟再次被认错：“完全冇反应呀！都有人恭喜我，前日我架车去差电，有两个姐姐话‘恭喜晒呀卫小姐！’另一个姐姐话‘唔係卫小姐呀’我以为佢会叫我周太，点知佢话‘係连小姐呀！妳姓连㗎呵？’我呆咗，然后话我姓卫嘅……大家都好可爱嘅！”
卫诗雅表示在《破．地狱》金像报捷后，正在筹办一次大型饭聚让所有人共聚一堂，更表示演陈茂贤竟鬆口透露将拍摄《不日成婚》系列第三集，Michelle笑言：“家乐仔生埋仔、珈其第二个小朋友都就嚟出世，我都嫁埋喇，仲唔开第三集？等我哋八十岁先开咩？”
自从卫诗雅荣封影后，不少网友出土Michelle出道前为杂志拍摄的写真照片，她随即笑言有留意、更转发予老公：“我梗係睇到啦！简直青涩呀！其实嗰辑相係我入行前，得16岁咋！嗰隻小腿够全村人食几日！骨胶原满泻、个眼皮胀卜卜！我係咁Share畀我老公睇，佢即刻话好靓呀，求生意识几强呀！”笑言将会用作手机桌布，放大在床头、取代结婚照片。
