【明報即時】楊卓娜自費數萬上瑜伽課拉筋為新劇鋼管舞戲速治肩周炎楊卓娜親身上陣

【明報即時】楊卓娜自費數萬上瑜伽課拉筋 為新劇鋼管舞戲速治肩周炎

楊卓娜親身上陣拍攝新劇《虛擬情人》的跳鋼管舞場面，她舞姿曼妙、身材保養得宜，更散發女人味。（TVB提供 / 明報製圖）

王敏奕、朱敏瀚主演的TVB劇集《虛擬情人》，昨晚（2日）講述Adam（朱敏瀚飾）鐵粉Audrey（楊卓娜飾）因跳鋼管舞與丈夫Norman（黃子雄飾）結緣，但隨着Norman在法律界地位愈來愈高，Audrey熱愛跳鋼管舞事成了2人之間隔閡。長年累月苦無知音的Audrey最終只能找來Adam當觀眾，最終Adam介入事件令Norman終明白Audrey多年來所承受的孤單及委屈，二人幾經波折終和好如初。

楊卓娜親身上陣拍攝跳鋼管舞場面，她舞姿曼妙、身材保養得宜，更散發女人味。跳鋼管舞的戲雖然只有短短兩場，楊卓娜仍努力準備及學習，除跟專業老師學習，還額外自費上瑜伽導師課程，十分專業。她接受TVB.COM訪問時表示接到Audrey這角色時備受嚴重肩周炎困擾，但她熱愛跳舞，因此對跳鋼管舞的場面又愛又恨，最後決定自費數萬元上瑜伽導師堂，努力拉筋備戰。

楊卓娜說︰「嗰時我肩周炎好嚴重，痛到郁唔到、頸擰唔到之餘，仲洗唔到面、瞓唔到覺。我有諗過想推角色，但我又好多年冇跳過舞，自己又好鍾意跳舞，所以就想盡辦法，睇吓點樣拉鬆番啲筋，最後我報咗個幾萬蚊嘅瑜伽導師課程。上第一堂嗰時，我連舉高隻手都有撕裂嘅感覺，其實我所有動作都識做，但身體上唔容許我咁做。如果唔係因為呢個角色，我唔會咁努力去拉鬆番啲筋，我係喺上跳鋼管堂前個零月日日上瑜伽堂，到我活動範圍大番啲，我先再去學跳鋼管，上咗4堂左右，頭兩堂基本我都仲係唔係好郁到，用唔到力。」

（即時娛樂）

杨卓娜[超话]