炎明熹傳約滿無綫火速加盟Sony 陳柏宇：幾時都話有啲後生嘅都好
陳柏宇今日（22/1）現身九龍灣出席《CHILL CLUB》記者會。對於有傳炎明熹今年約滿無綫後便火速加盟其公司Sony Music 成為旗下歌手。陳柏宇接受《香港01》訪問時表示：「首先係堅定係流先？如果好似話係嘅話，咁其實呢啲消息，就只能夠維持喺呢個地步。其實我收到嗰個風咪就係喺電話度睇到嗰啲消息囉。」
陳柏宇歡迎炎明熹加盟其唱片公司。（葉志明攝）
被問到想唔想有呢個師妹？陳柏宇表示：「想，點解唔想啫，幾時都話有啲後生嘅都好，因為我哋公司嗰啲都唔後生。（有冇聽過佢嘅作品？）有聽過，佢唱得幾好。（最終有冇向公司求證Gigi加盟是否屬實？）冇，因為我喺呢方面唔八卦。但如果炎明熹話有男朋友呢，我就會八卦啦，因為我只係八卦一啲真係八卦嘅事，加盟嘅事就唔啱我，哈哈。」
Sony Music旗下歌手陳柏宇、林奕匡、葉巧琳和黃妍歌手今日出席《CHILL CLUB》記者會。（葉志明攝）
炎明熹[超话] 陈柏宇[超话]
