【On.cc】RubberBand外地搞巡唱 泥鯭平常心靜等生B
樂隊RubberBand昨晚（31日）在觀塘apm出席除夕倒數派對，吸引不少市民在商場內圍，相當熱鬧。RubberBand剛由日本錄音回港，阿偉直言今次錄音是大開眼界的體驗，原本到東京以為有時間逛街，但卻是由朝錄音錄到晚，8日裏錄了12首歌，預計今年推出新專輯。講到新年願望泥鯭指以往說希望世界和平好似很行貨，但現不少地方也在打扙，相信大家今年也會希望世界和平。6號則透露他們今年有機會再到外地舉行巡唱，他希望到澳洲開騒，因2023年曾有機會到當地演出，但擦身而過，阿正則希望到日本舉行巡唱，因為曾參加當地的音樂節，覺得氣氛好正。
RubberBand今年有機會再到外地舉行巡唱。
澳洲同日本都係佢哋心水。
日前佢哋仲8日裏錄12首新歌。
結婚後與老婆黃心穎相當甜蜜的泥鯭被問到新一年可希望屋企增添新成員？他笑說：「隨緣啦，不過，屋企暫時真係有新成員，依家幫人照顧住一隻唐狗。（人仔呢？）順其自然，平常心。」笑問叫阿正過兩招生仔秘訣，阿正則笑說：「買兩梳蕉畀佢就得。」
泥鯭同老婆黃心穎仍未抱B。
泥鯭就淨係話順其自然。
