愛回家｜古佩玲貼射擊照得一女星Like 否認人緣欠佳：冇留意到
古佩玲現身電視城出席無綫處境喜劇《愛·回家之開心速遞》宣傳造勢活動。提到近日她在社交平台分享了自己身穿性感緊身衣加露腰裝大玩射擊的照片，但有眼利的網民發現，全劇只得一位已離巢的蘇韻姿有留言俾Like，有不少網民相信古佩玲在劇中人緣欠佳。
古佩玲就事件接受訪問時表示：「其實我冇留意到咩人有俾Like，但我同大家關係係冇問題，就好似上個月我生日，私底下我哋係食咗5、6餐飯，社交平台我都有Po。同埋我哋《愛回家》嘅廠我哋日日都開嘅，變咗每一日都會見面，而佢哋係一早已經知我之前去咗泰國玩，基本上大家都知做緊啲乜。」
