鍾柔美誓保初吻
目前因為學業再加拍劇，曾經試過連踩3日完全缺乏休息時間，她坦言：「真係崩潰，辛苦到喊咗出嚟！（有冇信心可以抽到時間，完成埋呢幾年嘅學業？）要畀自己信心，如果真係太辛苦嘅話，我會同公司反映㗎喇。雖然今次拍攝辛苦，但台前幕後作得好開心，好似陳瀅同張曦雯咁真係好Nice。」
至於校園生活， Yumi自認外向，表示已經開始適應，問到有否男同學主動「抄牌」，她笑答：「分組做project算唔算？早幾日我同幾個男同學分成一組，大家有傾吓功課囉。」
提到拍劇有很多第一次，特別是鏡頭上的熒幕初吻，透露是一場泳池人工呼吸的戲，因自己未拍過拖，加上有經理人保護，最後借位拍攝。她笑說：「嗰場戲係講我接受人工呼吸，都係借位拍嘅，多謝經理人喺現場陪我壯膽。由於是借位關係，Yumi的初吻其實幸保不失，問到是否打算留給初戀男友，她靦覥答說：「可以咁講，順其自然啦！」
