出遊一日，歐聯局勢頓變…麥湯米尼再次成為拿坡里贏波嘅重要功臣，喺迪布尼缺陣之後，凱倫負責處理十二碼，可惜射失。干地都表明要令每個球員都感覺到自己係隊中嘅一份子，有參與度，近來大衛尼利斯同諾亞蘭治狀態明顯有所提升係重要嘅。卡拉巴赫今季計埋外圍賽，踢第11場歐聯比賽，第一次入唔到波。近期睇過最精彩、最有張力、攻守較量最有質素嘅一場比賽拜仁慕尼黑同國際米蘭對波，令阿仙奴成為僅餘嘅五戰全勝球會。國際米蘭不敵馬體會，施蒙尼教練嘅冒險同進取，喺68分鐘已經換曬5個球員，並且將古利安奴施蒙尼、基士文、索洛夫、尼古拉斯干沙利斯、艾華利斯全部擺埋一齊，決心同求勝慾望可想而知。荷西基文尼斯尾段防守都已經筋疲力盡，仍然有餘力可以頂入致命一擊，值得稱讚。艾華利斯為馬德里體育會踢咗14場歐聯入10球，數字相當驚人。國際米蘭呢兩場比賽嘅際遇同運氣都麻麻地，兩場比賽加埋有三次中柱或者中楣。賽前捷禾話佢對陣中每一位球員都信任，而尾段承受一定壓力嘅情況下，選擇換走勞達路馬天尼斯、迪馬高同查漢奴古幾位具經驗嘅球員，同賽前所講嘅理念一致，但風險亦都唔細，比較起上嚟同對手陸續換入更有實力、同經驗嘅戰將做法正好相反，呢個取態喺呢場比賽嘅效果未如理想，但長遠會唔會有所得着，就拭目以待。施連斯基搵到加盟國際米蘭之後嘅第一個歐聯入波，值得欣喜；迪馬高係全場最多埋門嘅一位，狀態唔錯。拜仁慕尼黑嘅17歲攻堅卡爾（Lennart Karl）第二次代表球隊喺歐聯賽事上陣就入2波，亦係主隊今屆賽事嘅第一粒失波，呢位德國青年軍球員絕對值得期待。阿仙奴嘅死球處理令拜仁嘅禁區險象環生，單論進攻威脅已完勝對手。尾段拜仁大舉壓上令到39歲嘅紐亞「老貓燒鬚」，被馬田利尼推左走右射入空門。利物浦後防線嘅災難級表現，令球會連續三場被對手淨勝三粒。雲戴克、基卡斯以及干拿迪非甩漏即失誤，領隊史諾面對呢個問題似乎無計可施！而球隊最活躍同狀態最好嘅依然係客串右閘嘅索保斯拿爾，但呢位關鍵先生又可以救到佢哋幾多次？歐洲聯賽冠軍盃第5比賽日賽事賽果-阿積士0-2 賓菲加加拉塔沙雷0-1 聖基萊斯聯多蒙特4-0 維拉利爾曼城0-2 利華古遜馬賽2-1 紐卡素拿坡里2-0 卡拉巴赫布拉格斯拉維亞0-0 畢爾包體育會博杜基林特2-3 祖雲達斯車路士3-0 巴塞隆拿柏科斯2-2 摩納哥哥本哈根3-2 艾瑪迪法蘭克福0-3 亞特蘭大利物浦1-4 PSV燕豪芬巴黎聖日門5-3 托定咸熱刺奧林比亞高斯3-4 皇家馬德里士砵亭3-0 布魯日阿仙奴3-1 拜仁慕尼黑馬德里體育會2-1 國際米蘭