經典回眸- 被遺忘的左閘 科端納圖（Andrea Fortunato）🇮🇹🛡️彭路基（Christian Panucci）曾經講過，佢一生中最要好嘅「兄弟」非科端納圖莫屬！唔知係未當年Fortunato呢個意大利姓氏嘅問題，效力於亞特蘭大嘅前輩Daniel Fortunato足球生涯都係非常之咁出色，而Andrea 喺佢短暫嘅職業生涯裡面一樣才華橫溢。時間倒退翻去1992/93球季，身處意甲嘅熱拿亞當時不乏擁有巴西國腳白蘭高（Branco）以及90年世界盃震驚整個世界足壇嘅捷克射手史古拉維（Tomas Skuhravy）。當然佢哋還有一對得意之作- 彭路基& 科端納圖，呢對左右邊閘球風成熟，防守技巧老練，令熱拿亞乃至整個亞平寧都對呢個可能係意大利將來防守嘅根基充滿無限憧憬。但偏偏就天妒英才，1993/94球季，彭路基隻身投奔AC米蘭，科端納圖就轉投另一支國內班霸祖雲達斯。喺93年9月份首次獲得國家隊徵召後（協助意大利3-0幾敗愛沙尼亞），時任主教練沙基有理由相信佢將會係麾下征戰1994世界盃決賽週嘅其中一位不可或缺嘅人選。結果臨近開賽前夕嘅5月份，佢被驗出患有白血病。透過妹妹嘅骨髓移植手術，原本病情已經逐步好轉，所有嘢都向著正面時，科端納圖突然感染咗肺炎，而且情況一發不可收拾，終於喺1994年4月25號意大利迎戰立陶宛嘅熱身賽當日病逝，享年23歲。彭路基一路期盼能夠再攜手好兄弟並肩作戰，卻只能夠陰陽相隔。科端納圖職業生涯數據📊1989-91 科莫 43 apps1991/92 比薩 25 apps1992/93 熱拿亞 33 apps1993/94 祖雲達斯 27 apps