經典回眸- 2001年國際足球熱身賽 法國5-0 日本🇫🇷🇯🇵千禧年前後，日本同法國嘅足球交流都幾頻密，繼2000年6月份（歐洲國家盃開賽前夕）嘅哈桑二世盃雙方「第1次」對壘後（當時2-2握手言和），2001年3月籍著世界盃熱身，應屆世界冠軍兼歐洲冠軍嘅法國再次搵嚟2002世界盃主辦國之一嘅日本踢熱身賽，不過呢次就完全技術性擊倒！以中田 英壽（Hidetoshi Nakata）為核心嘅日本國家隊希望喺歐洲勁旅身上吸取更加多嘅實戰經驗，但當時嘅身體素質、技術同戰術依然存在較大差距，整場賽事亦只有中田嘅3次埋門最具威脅，其中一次遠射更加擊中門角。至於法國方面就大開殺戒，由施丹憑藉十二碼打開紀錄之後，亨利嘅傳中波導致酋崎 正剛（Seigo Naeazaki）屙蛋輸到0-2返更衣室。換邊後日本再失3粒，韋托特嘅入波同查斯古特嘅梅開二度幫助佢哋埋齋取得大勝。但對於當時日本隊主教練杜斯亞（Philippe Troussier）嚟講，其目標已經「達到」。法國主力陣容：林美（Ulrich Rame）🧤、簡迪拿（Vincent Candela）、利沙拉素（Bixente Lizarazu）、皮里斯（Robert Pires）、迪西里（Marcel Desailly）、林姆治（Sabri Lamouchi）、施丹（Zinedine Zidane）、亨利（Thierry Henry）、比堤（Emmanuel Petit）、拿坡夫（Franck Lebouef）、杜加里（Christophe Dugarry）日本主力陣容：酋崎 正剛（Seigo Narazaki）🧤、松田 直樹（Naoki Matsuda）、森岡 隆三（Ryuzo Morioka）、稻本 潤一（Junichi Inamoto）、服部 年宏（Toshihiro Hattori ）、中田 英壽（Hidetoshi Nakata）、西澤 明訓（Akinori Nishizawa）、名波 浩（Hiroshie Nanami）、明神 智和（Tomokazu Myojin）、中村 俊輔（Shunsuke Nakamura）、伊東 輝悅（Teruyoshi Ito）